The Chin Times hi na duhzawng a sile, in rak share sak vivo aw.

2020 Election Thlir Sinnak by Pu Kap Thio USA

Tlangpar Miphun pawl hrangah can pawimawh tuk a si ih Chin ram khal ah Chin Party a si mi #CNLD ah lungrual ten funkhawmaw cio uh sih.

#Kum 2010 ah Democracy dan vek in election a um ih USDP in nehnak a co. Himi kum ah NLD a tel lo.Bye-Election 2012 lawng ah a lut lai.Chin ram ah Chin Party a si mi CPP le CNP khal in MP tamnawn an rak co ve.

#Kum 2015 election ah cun kawlram Mipi in ralkap nin le Pi Suhkyi ih Auhla ပြောင်းလဲချိန်တန်ပြီ..ti zum in NLD party ah Vote an burh thluh ih Cozahnak a co.Chin Party pawl cun nehnak an co lo.

#Asinan, Kum 5 a kim zik cuarco ih election zik ih NLD party auhla pawl:1.2008 Dan hrampi kan rem ding.2.Remdaihnak kan tuah ding.3. Law &Order kan tuah ttha ding ti pawl cu hlawhtling pakhat hman a um lo.

NLD Flag

#Kum 2010 election ah NLD an tel lo. Kum 2015 ah NLD Vote burh thluh a sinan, an Auhla pawl an hlawhtlin lo hlei ah NLD cozah in #Tlangpar Miphun pawl par ih a lungput ah an lungawi lo na sa.

#Cui ruangah kum 2010 ,kum 2015 election le 2020 election hi #khaikhin theih a si nawn lo. Politics a danglam thluh zo.

#Tlangpar Miphun pawl khal Party tamnawn um culci mi kha Party pakhat ah an komaw thluh ve thlang ih Politics thli hran dan a danglam zet zo.

#Central ah cun NLD party in MP a nei tam bik ding ti hi ka bulpak thlirdan a si ih Cozah tuah theinak ding khawp MP 333 lawng te a neihban zumlo cio a si.

#Region/Taing pa 7 ah NLD in 80% ngah bang seh la MP 291 sung ah MP 230 lai a co thei ding.State/Pine pa 7 ah MP Seat 207 a um ih NLD in MP 103 a neh thei le a mah ten Cozahnak a din thei ding tinak a si.

CNLD Flag

#Asinan, tuikum 2020 ah hi cun Tlangpar Miphun pawl in an mai umnak cio ah nasa tei ttan an lak cio ruangah NLD in MP 207 ah MP 103 (50%) nehnak a co thei pei maw? ti hi a si.A co thei an zumlo cio ruangah election result puan hnu ah Politics boruak a danglam zet ding ti hi zum cio a si.

#Tlangpar Miphun pawl hrangah can pawimawh tuk a si ih #Chin ram khal ah Chin Party a si mi #CNLD ah lungrual ten funkhawmaw cio uh sih.

#Zianglam khal le Mirang ih “No one can predict a politics” an ti bang in #hmailam thu thei cia #Zohman kan um lo ruangah rak thlir phawt cio uh sih.

#Hminsin keimai bulpak thlirve dan a si e.

Seherhnak thawn,

Kap Thio
Maryland:USA