The Chin Times hi na duhzawng a sile, in rak share sak vivo aw.

Breaking News: Falam ah Covid19 Minaa 3 Karh

Tufang Myanmar ramsung boruak, Rampi hrilawk ding Ni a nai rero thlang ti lai ah, COVID19 in nasa zetin a nuai ciamco. Falam khawpi khalah kan dung tubaite ah Covid19 nat nei mi pakhat hmuh a si ih, tu khal a dang an karh bet thu theih tikah pawi kan ti zet a si.

Falam khawpi sungih ummi siseh kiangkap khua pawl khal siseh thei tawkin ralring cio hram uh. Hmun tin ihsin mah le umnak ciar in thlacamnak thawn bawm cio uh si. Falam ah Covid19 nat nei an karh bet thu hi Falam General Hospital sibawi ih simmi Chinland Herald ih post mi a si.

———————

Falam ah COVID-19 Positive Minaa 3 an pung thu theih a si.

October 17 zaan (tuizaan) ah Falam Siibawipi Dr. Tluang Cung Thang cun a Facebook ah a tarlangmi siih atu fangah Positive Minaa tiih zumhmangmi mi pakhat le Siizung Q ah mi pahnih an um hrit bet a si.

Dr. Tluang Cung Thang cun, “Falam ah 17, 10, 2020 ah COVID-19 confirmed mi minaa 4, zumhmang mi minaa 1 le Hospital Q ah mi 2 an um. Mipi pawl in thinphang luar tuk lo a ṭul. A ṭul loin a leng suak hlah uh. A leng nan suak le Mask bun uh. A leng in nan tlung veten nan kut kholh ringring uh. A burpin um hlah uh. Covid nat pianhmang nan nei a sile siizung ah theihternak in nei cih uh. Falam khawpi dam hramseh” ti’n a ngan a si.

Atu fang Falam ah COVID-19 Positive Minaa 4 an um thlang a si.

Zuk: Dr. Tluang Cung Thang