The Chin Times hi na duhzawng a sile, in rak share sak vivo aw.

Chin Keyboard; Computer le Mobile Android Phone Hrang

Kan Chin Ca ngan tikah kan ṭul mamawh bik lakih a telmi “Ṭ ṭ” (t tawcuk) cu ṭhahnemngai zet le kan mipi hrang ruatin rak tuah a si ih, tu ah mi tampi in an hmang zo ih, himi “Ṭ ṭ” (t tawcuk) kan neih hnu cun “tr, tt, t’ “ tivekih nganmi hmuh ding a malphah thlang. Tui’hlan ah “tr, tt, t’ “ tiih rak nganpawl khal “Ṭ ṭ” (t tawcuk) a rak um lo ruangah remcangbik ih an ruahmi in an ngan a si ko ding.

Asinan tu ahcun zo poh khalin kan hmangtlang thei dingin “Ṭ ṭ” (t tawcuk) kan nei zo ih, zokhal hmang tlang vialvo sehla, ti cu duhthusam bik a si. Himi “Ṭ ṭ” software tuahtu khalin ṭhahnemngai zetih a tuahmi a si vekin kan Ca ngan tikih kan ṭulmi “Ṭ ṭ” cu “tr, t’, tt” tivekin hmang nawn lo hram sehla.

Cule, himi Chin Keyboard hi Android Phone hmangtupawl hrang le Microsoft Windows Computer hmangtupawl hrang lawng a si ih, iPhone, iPad le iMac, Macbook Air (Apple Computer) pawl ah hman a theih lo. Phone hmangpawl khal asile Android Phone lawngah a ngah.

Tawlreltu in mikip ih hman theih dingin tuahmi a si ruangah, Phone version niamte khalin hman a theih ih, Computer version niamte (Windows XP) khalah hman a theih a si. Computer hmangpawl hrangah tla cun a ṭha hleice.

Computer hmangtupawl hrangih a ṭhat hleicenak cu, tuihlan ih Chin Font kan rak hman ṭheumipawl kha cu, mi dang Computer asilole Online parah “Ṭ ṭ” kha a va lang thei lo. Asinan himi cu Online par khalah “Ṭ ṭ” na hmang thei ih, Microsoft Office, Adobe Photoshop, Adobe InDesign, Adobe Illustrator etc, pawlah hman a theih fawn.

Himi Chin Keyboard Download dan le hman dan cu a hnuai ih YouTube Video ah hin rak zoh awla awlsamten na download in na Install thei cih ve ko ding. File Download nak cu Phone hrang le Computer hrang a hranhranten a um.

Phone Hrang => Download Hmet Aw!

Computer Hrang => Download Hmet Aw!

Phone Hmangtupawl hrang a tuahdan Video zoh aw;

Computer Hmangtupawl hrang a tuahdan Video Zoh AW;

The Chin Times