The Chin Times hi na duhzawng a sile, in rak share sak vivo aw.

Chin Party VOTE A cu hrih lo an tinak san pakhat

Hrekkhat in tlangpar party vote a cu hrih lo an tinak san pakhat cu: “Democracy dik tak kan ngah hrih lo” an ti ruangah a si. Hluttaw ah Ralkap 25% an tel lai ruangah cutiih an tinak a si. Cui ralkap 25% telter lo ding cun 2008 Danhrampi rem a t့ul. Danhrampi rem theih dan cu kan thei cio thluh dingah ruat sehla.

Danhrampi cu kum 5 sungah NLD Cozah in an rem thei maw? Rem thei hlah. Tlangpar Party pawl in teh democracy diktak an duh ve maw? Duh e. Cuti asile ziangruangah NLD party lawngih democracy duh le ngahter thei, anmah an tlin sal lawngih democracy diktak ngah ding le Danhrampi rem thei ding vek ih kan ruat? Danhrampi rem duh vetu Tlangpar party pawl thawn teh remtlang a theih lo maw? Theih e. A theih ahcun ziangah saw Tlangpar party vote a cu hrih lo nan ti?

Danhrampi rem lo khalih tuah thei mi tlangpar pawl ih covo tampi teh NLD Cozah in a tuahsak maw? Tuahsak hlah. Ziang ruangah a tuahsak lo. Tuah dingih sim le nawr ngamtu an um lo maw? Um hlah, an fial mi lawng an tuah ngam. Policy tuahtu ah an tel ban ve lo bakah “ka pi ka lu nung ten” ti a t့ul. Cuti asile ziangtin?

Curuangah Tlangpar party pawl an tling dingih NLD thawn Dinkhawm Cozah (Coalition Government) tuah in “semsem damdam ei bil thithi” tivek in t့uan tlang derhdo sehla a t့ha lo maw? Danhrampi rem lo ih tuah thei mi tlangpar covo pawl tla kan sim/nawr ngam ding sisi. T့ha tuk e. Anmah ih Dinkhawm Cozah kan tuah lo ding an timi teh ziangtin? Anmahte Cozah tuah theinak daih MP an neih lo cun tuah duh lo teh a theih ding maw? Ummm…Election result tla suak phawt sehla??? Politics cu politics vekih fehpi ding si ko.

Hminsin: Sullam nei deuh ih relkhawm cio dingah ka lo sawm.

Himi thu hi Pathat Luai in a facebook cahmai ih a post mi a si. John That Luai hi 8,8,88 rambuai lai ih Tlawngta a rak si. Kan Chinmi lakah Mirang hla Gospel Album suah hmaisabik tu khal a si.