The Chin Times hi na duhzawng a sile, in rak share sak vivo aw.

CNLD “Chin Party” THUKEN – 10 (Chin miphun dam theinak Lamzin)

1️. Chin miphun pumkhatnak thupibik ah ret ringring ding.

2️. Chin nunphung, anka le calai, danledun, phunhnam sinak mizia, hnamdan ih tuahmi kut (puai), hnam thuamhnaw, hnam Ni sunglawi tipawl hloral men lo dingin kilkhawi ih nunter ringring.

3️. Chin pupa dan vekih neih mi leiram (pupa ro leiram) thu ah, leiram neitu in a pupa ro leiram hloh ih sung lo dingin dan felfai tuah ih kilhim.

4️. Cozah hnaṭuan phunphun le bulpak dinmi hnaṭuan ah, Chin mino pawlin anmah le an phu tawk hna ngah thei dingin lamzin hawlsak ih bawm. (Cozah hnatuan dil tikah, nawhthuh paisa pek kham ding).

5️. Chin numi dinhmun cawisang in an nuhrin canvo ngah thei dingah thlun ding dan felfai tuah.

CNLD Logo

6️. Thleidan le duhsak mi cuang nei lo, nawhthuh le eithup um lo Chinram Cozah thianghlim suak thei dingin zuam.

7️. Chinram sung lamzin le sumdawnnak ah khawpi khawte nuam tlang thluh thei dingin ṭuan ding. Cutin ṭuan tikah kiangkap thingkung le leiram siatter lo dingin kilhim ding.

8️. Miphun duhnak lungthin kaitho ih cakter sinsin dingah, Mipi duhdan rawn phahin hnam hla le hnam thantar tuah.

9️. Chinram lenglam ih um Chinmi in, dan tuah mi le politics ruangih an ngah thei mi covo le an nuntu khawsakdan hrangih ṭulmipawl cu an umnak thuneitupawl thawn rawnaw in bawm ding.

  1. Miphunpawl karlak ih bangrep nun, mahte thuneihnak le Federal Democracy Rampi dinsuah ding thu ah, Tlangmi dang thawn kut kaiawin ṭuan tlang.

Kawl Ca (Burmese) in a siar duh hrang, a hnuai ih Zuk hi a si.

CNLD Thuken (Burmese Version)

The Chin Times