The Chin Times hi na duhzawng a sile, in rak share sak vivo aw.

Kum 500 Sung Hruaitu Nei Lo Chin PuPa le CNLD Political Revival

Chin miphun thuanthu ih rehsiazabik pakhat cu Kabaw phairawn ram ṭha maksak ah kum 500 sung rori nuam zetin an rak

Kum 500 Sung Hruaitu Nei Lo Chin PuPa le CNLD Political Revival
B. Lal Lian Thang
Chin miphun thuanthu ih rehsiazabik pakhat cu Kabaw phairawn ram ṭha maksak ah kum 500 sung rori nuam zetin an rak khawsa-tlang hai nan, cuih kum 500 sung rori ah miphun huap thei hruaitu ṭha tuahawknak câng an rak thiam lo ruangah Shan siangpahrang Soa Saw ke (1368-1401) in awl-aiten a rak neh hai ti hi a si.

Soa Saw ke cun a tupa Kyitaungnyo cu Chin miphun uktu dingah a rak ret ih, hipa hin Kalaymyo ah siangpahrang in ropi zet a rak din; cuih inn kulh ropi hnaṭuantu ah Chinpawl cu sal ah a rak hmang hai ih, hnaṭuan thei lo Chinpawl cu hremnak nasazetin an kutzung tiang a tansak hai.

Cutin Kyitaungnyo hremnak tuar nawn loin Chinpawl cunan ram ṭhamaksak tlansanin Laitlang hmun kipah siseh India ram: Manipur, Tripura, Assam, Meghalaya le Mizoram ah siseh Pakistan le Bangladesh tiang khalah an rak vakdarh nasa.

Chin kan pupa tisualnak ihsin ziang thil kan zir thei tile, miphun huapih hruaitu ṭha tuahnak câng an rak thiam lo kha a si. Chin pupa Laitlang an kai hnu khalah miphun huapih hruaitu tuahaw cuang loin phun le hnam zawngin an ṬHEN-AW bêt nasa tuk ih, cutin Chin miphun thuanthu cu doawknak rapthlakin a khat a si.

Falam ihsin Pu Con Bik in Kawlram hrekkhat tiang a rak uk nan, Mirang kha cu ti-ngaihnak a rak um ve ta lo ih, a fapa Van Hmung le Chin lal pathum tla cu Mirang in, Chin ram an uk theinak dingah an peng le tlang uktu ah an rak hmang cih hai.

Mirang in Chin ram an suahsan zik thlang tikah Chin lal pathum tla cu, “Mahteih ukawknak nan duh maw,” an rak ti hai nan, cuih ZALENNAK ropibik (Golden chance) hman duhnak câng thiam nawn lo tiangin an rak aa lan ta a si.

CNLD ih Political Revival
Leitlun huapih mifim le canganthiam hminthang English mi Thomas Carlyle cun, “Leitlun ram kipih milai (Miphun) in harsatnak pittawp an tawn tikah Pathian in runsuaktu mi cungcuang (Hruaitu) a pe ṭheu hai,” tiin a rel.

Thomas Carlyle ṭawngkam hi ruah rero tikah Chin miphun palbet ih kan Khristian sinak tiang khal hlohter ṭheh tumtu Kawl cozahpawlih palbetnak ihsin Pathian in CNLD nonawnpawl hmangin AUAW (Political Revical) a suahter thlang ti a fiang.

POLITICS THINKER ROPIPAWL cun, “Ram le miphun duhdawtnak le ṭhangphawknak (Political revival) hi PHUN HNIH a um ,” tiin an rel ih, PAKHATNAK ah cun, Pathian ih ram le miphun duhdawt theinak a pek hai mi milai an um ti a si, (India Ambasador L. Keivom’s Impression, p.97, 2011). Donald Trump khal hi leitlun Khristian tampi cun Pathian pek a si an zum.

CNLD Flag

PAHNIHNAK ah cun, ram le miphun duhdawtnak cu a zirhih zirhawknak ihsin a um thei ve ti a si,(ibid p. 97). British hi innsang rori ih ram le miphun duhdawtnak zirhaw an rak si; hmansehla innsang ih an zirhawk lonak a rei tuk thlang ruangah leitlunih Gospel phuang hmaisatu rori kha tu ah cun an biakinnpawl cu Musalim-pawl in a leisak nasa tuk thlang. Mifimpawl cun biaknak hi POLITICS HRUANGKULH ṭha ih a humhual a ṭul an ti a si.

Chin history ih a um dah lo mi CNLD hminin mangbangzain Kawlram kil i kip ihsi Chin nonawnpawl POLITICAL REVIVAL an co hi cu, a tlunih kan rel vekin Pathian pek rori a zumum a si. Curuangah CNLD hin Chin history BUNG THAR (New Chapter) ah in luhpi kan ti thei ding.

ALGERIA Nupinupawlih Revolution:

1992 kum, Algeria ram nupinupawl ih revolution kha kan cing lai ding; French in kum reipi harsa zetin an rak ukbet hai. Cutikah an nupinupawl in ziangtin AUAW an suah tile, “Franch ih kan fale an duhduhih palbet ringring dingin fate neih kan duh nawn lo tiin a nasa theibikin an rak AU a si.

An nupinupawl AUAW a ring tuk cinah cun an mipapawl an ṭhangharh ciamco ih, a rei hlanah ZALENNAK cu Franch kut ihsin anrak ngah thei ta. Curuangah policsics ah hi cun nauhak, nupinu le zo zokhal kan pawimawhdan a bangrep thluh ti a fiang.

# 1989 kumih Romania Revolution hi leitlun ih a zamrangbik mi, mipi cahnak (people power) ruangah a si. Hih revolution hram thawhtu cu pastor Laszlo Tokes a si ih, an ram dioctator ih uktu…kha ralṭha zetin a sawisel ih ca khal a ngan, anih hi 2007 kum ah European Member of Parliament (MP) rak ṭuan dah kha a si.

# Leitlunih Revolution rapthlakbik French kha cu, an ram siangpahrang khan anmai lennak le nuamtawlnak lawng ruatin ram mipi rilrawngtihalnak ziangih a siar lo tuk ruangah mipi in an rilrawng tuar nawn loin an siangpahrang sungkua kha an hngawng an rak taksak hai.

England kha an mifim an ṭhangharh hmaisat ruangah thisen luang loten revolution an rak tuah thei.

German kha an cathiam NONAWNPAWL an rak ṭhangharh hmaisat ve ruangah German Student Union cun an ram an rak remṭha thei.

CNLD NONAWNPAWL in Pathian pek mi Political Revival ropi an co ih, Chin History Politics Bung Thar (New chapter) ah in LUHPI a si.

Thuneihnak cu thinlung lennak a si

Chin Mipi Kut ah Thuneihnak Um Seh
****************************

Himi thu hi B. Lal Lian Thang in a facebook cahmai ih a post mi a si.