The Chin Times hi na duhzawng a sile, in rak share sak vivo aw.

Lairawn Post Thuthangca suahnak inn a kang

Lairawn, Hmunṭha khua ih hrambunmi Lairawn Post thuthangca suahnak innpi cu tuisun simlam nazi 3:50 hrawngah a kang ciamco.

Lairawn Post thuthangca hi tufang kan leitlun pumhuap hritlang Covid-19 ruangah April thla tir ihsin tutiang thuthangca suah loin an rak cawlhsan. Meisa a kang thawkdan cu Lairawn Post thuthangca suahnak innpi ih hmanmi Solor battery ihsin meisa kang hi thawkmi a si tiah khawtlang upa hnen ihsin theih a si.

Meisa kang ruangih an sunralmi pawl cu Press (Printer tumpi) pakhat, Riso pakhat, Computer pahnih le Copy Machine pawl an kangral thluh.

Kalaymyo ihsin meithat mawṭaw pakhat in Lairawn Post thuthangca suahnak innpi kang cu a phal ciamco ih simlam nazi 4:10 hrawngah a phal mit thei nerno.

Lairawn Post thuthangca hi Lairawn sehvel ah Chin ṭawng ih suahmi rinsan tlak tak thuthangca a si ih, ni hnih veikhat an rak suah ringring ṭheu. Lairawn sehvel ih Chin (Laizo) ṭawng ih suahmi thuthangca lakaih copies tambik suahtu an si. Zalen