The Chin Times hi na duhzawng a sile, in rak share sak vivo aw.

Malaysia Lock Down Sal Ding; Selongor, Kuala Lumpur le Putrajaya

Kuala Lumpur: Malaysia rampi cozah nih cun Kuala Lumpur, Selangor le Putrajaya pawl cu Conditional Movement Control Order (CMCO) (lock down) tuah sal dingin thu suah a tuah. Himi thusuah mi thlun ding ni cu October 14 ihsin thawk a si ding.

Atu bangtuk in lock down an tuahsalmi a ruang cu Kalang Valley ah Covid19 natnak a ngahtu an karh sinsin raungah Malaysia rampi Harhdamnak zunglam nih an tuah dingin an sim ruangah a si. Himi lock down cu October 14 ihsin October 27 tiang, Ni 14 sung, a si ding.

Khualtlawng veivak pawl tla kham an si dingih hmun hla ih hnatuan tu pawl tla hnatuannak Work pass lole boss hnen ihsin theihpi le lungkimpi nak ca keng telcih a ttul ding. Minister Ismail Sabri nih a simdan vek sile, inn sungsang minung pahnih lawng inn lengah suak le thil lei theih a si ding.

Tlawng pawl leh, phun sang deuh pawl, traning tlawng pawl, Mucu (kindergarten) Nursery, mi burpi um mi pawl siseh, muslim biakinn le muslim lo pawl ih biaknak pawl khal khar ttheh a si ding.

Leknak pawl, Puai tuahnak pawl, nung phung le nupi pasal nei nak pawl, night clubs ti bang pawl khal khar ttheh an si ding.