The Chin Times hi na duhzawng a sile, in rak share sak vivo aw.

Miphun Damnak (Hnam Damnak) – by Pu Ngun Thawng

Zalennak sualtu pawl cun zalennak hi ziangkim i ziangkim asi tin an ruat. Farah zonzaihnak hnatuan neihlonak pamtlung rilrawnnak le ca thiamlonak pawl hi hlanlai thilah....

Freedom fighters felt that independence will be answer to…

Miphun damnak timi hi ziangvek asi tin in sut sehla nainganzi zawng cun rel fukfi ding ka thei lo. Miphun damnak aupitu le zalennak sualtu pawl ti theumi kan zoh hnik pei.

“Freedom fighters felt that independence will be answer to all our problems. They thought poverty unemployment famine illiteracy would become things of the past. Are their dream fulfilled. Probably not ”

Zalennak sualtu pawl cun zalennak hi ziangkim i ziangkim asi tin an ruat. Farah zonzaihnak hnatuan neihlonak pamtlung rilrawnnak le ca thiamlonak pawl hi hlanlai thilah an cang thluh ding tin an ruat. An ruahnak cu a kim maw. Kim cuang lo e.

Chin State Map

Hrekkhatin Kawl pawl cu an tong an calai an nunphung anmahte duhtawkin an ti thei ruangah an miphun a dam zo Laimi kan miphun a damlo an ti.

Kawl ramah 70% hi Kawl an si ih cumi i 70% hi khawte ah an um. Farahnak ca thiamlonak bangawklonak harsatnak a tam tuk. Kawlram cu Kawlmi rori in an uk ko nan nambetnak dawnkhamnak sungkua sipuazi hman tuahtheilo i tuahnak hna tuan theilo i tuahnak an vahsuk vahsonak khal thlingthlak ringringnak an pumcawmnak an loram lonsaknak tivek a tuartu hi Kawl miphun an tam sawn.

Zalen rampi pakhat asimi Kuria sakta ramah rilrawng in an um.Thinghnah hrampi ei in an um. Ei ding neilo in an thi. Cozah duhlo zawng tuahtu cu pukpi in parh ko an kap. Hnipuan duhzawng an hruh theilo. An sam khal cozah in hivek lawngin nan met thei an ti.Cozah dodaltu cu an tefasin san thum tiang hrem an si. Cuba ramah mai ram rori ah um paih nawn loin an tlansan. Kumtin Amerika i tlanlut siar cawk lo.

Hi thu hi Pu Ngun Thawng in a facebook cahmai ih a post mi a si.