The Chin Times hi na duhzawng a sile, in rak share sak vivo aw.

Nekcepnak Do in Hamthatnak Lamzin zawh tlang ding ah Tanrual a cu zo!

Kan sunmang vekin ni nikhat ah cun Chin Ram in Zalenak kan sualsuak leh ding . Ziangah tile Pathian in hivek dinhmun ah in ret ringring lo ding.

Kawl uknak hnuai ih kan thlen hnu ah kan Pipu Hruaitu pawl in Zalennak hi hriamhrei citin cireng hmang in an rak sualsuak tum rero tihi el theihlo thudik ti sela a sual lo ding. Party san a rung si ih Chin pawl cun kan hriamhrei ah Chin Party kan hmang ih sualsuah kan tum, EAOs pawl in Hriamhrei ah Meithal hmang in an sualsuak tum ve .

Ni, nikhat ah cun Zelenram kan si ve lai ding . Kan mah ten kan thuhla ziangkim Lairelnak kan nei lai ding. State Economic khal kan mah ten, Tlawng Lectures pawl khal kan tesinfa pawl hramgah kan saduhthah in kan ngan lai ding. Point ih kan luh hlohhli nak ding ah, Chin History khal subject pakhat in kan zir lai ding. Cutikah tui Kawlram ih History kan rak zir mi vekin Gen Aungsan le pawl ih Zalenak an rak sualsuah dan pawl khal kan zirhaw sawng vivo lai ding.

Zalennak sualsuak tu pawl le an domi an ral pawl thuhla hi a tel tengteng lai ding. Kan dinhmun kan theiaw ciang maw? Stumbling Block or Historical Victim ( သမိုင်း တရားခံ ) ah ka rak tel pangmaw, kan tesinfa pawl in ka thuhla hi ziangvek zawng in si an zir lai ding tihi thaten kan ruataw Fel keiuh! Mai Thaunthu cu mah in ngan ( ကိုယ့် သမိုင်းကိုယ်ရေး )ding a raksi.

👉🏼A kilkip in kan sualsuak tum ding. 👈🏽 Hriamhreikai pawl ( EAOs) pawl, Political Party pawl , Chin NGOs pawl Chin Media pawl , Chin CSOs pawl , Biaknak Pawlkom pawl, Chin Hrinhnam Pawlkom pawl (eg. Chin Pawlpi ihsin Falam Pawlkom tiang ) kan zaten lungrual in kan sualsuak a co zo. Pawlkom Daan a pahbal pang khalle ziangtitha , kan zate tumtahmi Zalennak a thupi sawn lomaw? Zalennak hi a lak ih dawnmi Leitlun Ram a um dah lo. Kan sualsuah a tul. Kan zaten CNLD ah ding tlang uh si!

Ziangah?

Pathian in sangka a ong zo.
Ziangtin ?
– Majority Influence a reh vivo zik thlang ih NLD khalle 2015 vekin a cak nawnlo ding ticu zozo khal in kan hmu thiam zo ih rel a tul nawnlo ding. Article 261 rem duh lo hman sela Parliament ah kan cah a silen 261 va dai loin President si a duh tu cun kan duhmi in pek ve atul simai. Tlanginn ( Parliament) ih kan MP vote an tul ding sikhawh . Cutikah an mah in kan duh mi Chief Minister sinak kha President ih thuneihnak hmangin in pek tengteng a tul. Cutin 2008 Daanpi vekin Chief Minister in Minister pawl a din dingin cucu CNLD Chin State Cozah tinak simai. Hi tawk ah Daanpi va hnaihnawk a tul ciamco hrih lo, kan vote pakhat te lawng a tul.

– CNLD Chin State Cozah a si cun Cozah thuneihnak in Cozah hnatuan khal ah kan Chinmi pawl hlir a si vivo ding ih hnatuan khal a nuam ding, a rang ding. Cucu Federal ih rah suahmi kan Miphun nuamnak lamzin a siko lo sawm? Hi hi Coalition Government an timi kha si ko lo sawm?

– Federal Principle in kan hruaiaw vivo ding ih kan duh len Kawl Cozah pi kan nin (ning ) cun Federal ihsin sang sin sin ukawknak (Nan Violent in )kan hawl vivo ding . Hi hi Chin Party CNLD ih Policy siar cun a fiang mai.

– Cuvek pawl hlensuah dingin kawl Cozah ( Kawl mipi zaten ka tinak silo) kha Pathian in namthlak a duh thlang ruangah tui tum 2020 ah CNLD kha na vote tengteng a tul .
– Cuti locun , Canaan Ram pan dingah Pathian in Nelrawn Ram in hel ter ve pang thei ! Na Unau le na sungkhat an si ruang na tan khalle tui tum rori cu Chin Party vote thotho aw. Kan hmailamcan le tesinfa pawl ih nunnuamnak sualsuak tu ah ra tel ve aw.

NLD le Ralkap

Cutin,

Chin mipi tumtahmi hlensuah dingah EAOs pawl khalin sual hai seu, kan nih Chin Party CNLD khalin kan sual suak tum ding . Huatawknak can a si hrihlo, Chinmi kan farah tuk , nunmuamnak lamzin zawh hmaisat a tul lo sawm? Online ih soiselawk (personal) rero khal tawk rori seh ! Kan zaten tang rual in CNLD vote hrih hram uh si ! Chin mi nasi , Chin Party na vote hi Na duh hril nak hokhaw, cun, a sual lamlam lo.

Curuangah ,

-Kan Miphun Party CNLD hmin in kan lo sawm.
-Kan Sungkua hminin kan lo sawm.
-Kan tesinfa nunnuamnak ding hmin in kan lo sawm.
-Lamzin in khihhmuh tu Pathian hmin khal in kalo sawm mai!
Cun, Ramleng ih in dinpitu pawl in Media lam in tan in laksak rero ruangah ,nan zate parah kan Lungawi!

Hminsin:

– ZukNo.1 le adang pawl hi CNLD ih Party Policy Manifesto asi.
– Zuk No.2 hi Chin CSO CYN a si. CNLD Youth thawn Chin Youth Policy ngan tlang ding in meeting neih rero asi. Official in in dinpit thu an suah leh ding.
– Zuk No.3 hi A hngakhlap um zet. In dinpi pei maw? Kan thlir ciau pei uh !

Ka Lungawi !

John Khaw Lian Thawng
CEC
Kan Miphun Party, CNLD