The Chin Times hi na duhzawng a sile, in rak share sak vivo aw.

October Thla Sungah Surbung Airport On Puai Tuah Ding; Video

Falam – Surbung Airport cu Kawl tangka billion 140 cem ih tuahmi a si ih, Vanzam tlannak tualrawn a sau lam hi pi 6,000 a si ih, a kauh lam hi pi 100 a si.

Falam khawpi kiangih ummi Surbung Vanzam ṭumhmun cu tui thla (October thla) sungah On Puai tuah a si ding tiah Chin ramkulh thupuangtu Sipin vuanzi U Soe Htet cun a sim a si.

Sipin tlangbawi U Soe Htet cun “Surbung Airport cu October thla sungah On puai tuah a si dingih ziangtik ciah ah timi cu a Ni cekci kan thei hrih lo. Tlunlam upa pawl an man remcang tikcan October thla sungah tuah dingin timlamnak cu a um. Ruahman dan cun October ni khat ni ah vanzam ṭum/kai hniksak dingin tawlrel a si nan, nikhua ruangah a si” tin a sim.

Surbung Airport project hi tuihlan cozah rak kaitu President U Thein Sein san ih tawlrelmi a si ih, 2015 ihsi thawkin Vanzam tualrawn tuah thawk a si ih tu ahcun Vanzam tlannak tualrawn cu zatek 98 ṭhehfel zo a si. A reihlan ah Vanzam a ṭum/kai thei thlang ding a si, tiah theih a si.

Sipin tlangbawi U Soe Htet cun “Vanzam tualrawn hi zatek 98 ṭheh a si zo. Tlang khat lam le khat lam, apahnih in malte bal ding a taanglai, ṭhehfel tluk a si deuh thaw zo ih, Vanzam ṭum ding lawng a tang. Vanzam tualrawn umnak hi hmun fialhrial tak a si vekin, tuvek tikcu caan khalah sunzawm in hnaṭuan peh rero a si. Rampi harhdamnak zung in a simthan bangin pi 6 dan ah um in hnaṭuan an sunzawm rero a si” tiah a sim bet.

Falam – Surbung Airport cu Kawl tangka billion 140 cem ih tuahmi a si ih, Vanzam tlannak tualrawn a sau lam hi pi 6,000 a si ih, a kauh lam hi pi 100 a si. Khualtlawng mipum 70 hnakih tam phur theitu ART-72 Vanzam pawl ṭum/kai/cawl thei dingih tuahmi Vanzam Tualrawn a si.

Tuihlan kum 1 lai ih Surbung Airport Video;

Thuthang laknak: Chin World, Salai Khup Khup