The Chin Times hi na duhzawng a sile, in rak share sak vivo aw.

Pathian Rawngbawlnak Ropi “Khrih Keneh Thlun In, DVD Album” Vol – 2

Hla fingkhat phuahnak ah Caan a cem, Hla fingkhat studio ih saknak ah, Studio hman man, Music tum man, Video zuk man tiin sumpai tamtak cem ṭul a si.
Kan theihban cin ihsin a rak um dahlomi (a rak um dah nan, kan theihlo ruangah tla si thei), DVD Album alak (free) ih zemawk timi hi thil sunglawi tak le Pathian rawngbawlnak ropi tak pakhat a si.
Hla fingkhat phuahnak ah Caan a cem, Hla fingkhat studio ih saknak ah, Studio hman man, Music tum man, Video zuk man tiin sumpai tamtak cem ṭul a si. Cui’ sumpai tamtak cem ih tuahmi Pathian thangṭhatnak hla DVD Album “Khrih Keneh Thlun In” Vol – 2 nak cu; October 4, 2020 (Thawhsal Ni), (US cun October 3 zan) ah Tlangzarh (release) a si thlang dingih mipi hnen ah alak (free) in zem a si ding.
Hla fingkhat hman in tampi a man ti lai ah Album pum rori alak (free) ih zem awk ding cu a sunglawi in a ropi lawlaw si.
Tlangzarh (release) nak ding hmun cu; Utah Evangelical Church, Salt Lake City, Utah USA ah a si ding.
Ngah theinak hmun pawl cu; Tahan, IPCM Pastor, Rev. Biak Ruat Zual tei’ inn. Himi Album sungih hlasaktupawl hnen ihsi khalin ngah a theih ding.
Chin Net YouTube Channel ah le himi Album neitu “Lalcawisang Sangte” ih YouTube Channel pawl ah Official in upload ding a si.
Cule Pathian hmin sunlawinak hrangih tisuahmi a si vekin, duh zatzat copy theih, duh pohpoh in upload theih a si ih Share theih a si. Asinan man nei ih zuar hrimhrim cu sian a si lo.
Khrih Keneh Thlun In – Vol.2

The Chin Times