The Chin Times hi na duhzawng a sile, in rak share sak vivo aw.

Suh Kyi ka vote ih ziangah Teng Lam lamlam a tling? (2015 Hrilawk ttheh ciah)

Kawlram hmun tinih NLD MP/MLA candidate pawlin Suh Kyi zuk hmangin campaign an tuah ciamco.

Kawlram hmun tinih NLD MP/MLA candidate pawlin Suh Kyi zuk hmangin campaign an tuah ciamco.
“Thlengawk A Cu Zo” timi auhla cu an hmang ngam nawn ciah lo. (Singapore kan bang ding tivekih mipi lemsiah cu…… a tak ramah Indonesia tluk hman in thlenpi thei leh si lo. Thein Sein san lai kha Democracy tahfung ah 3. tiang in thlenpi ih, Suh Kyi sanah 2. ah in ttumpi tiah political science ih mithiam U Kyaw Win in a rel hngehnge.)

Opposition an rak si lai ahcun Media zalennak le a ding lai cozah soisel kha an thupi a rak si nan, tohkham an vun co dekdo cu media rek bettu rapthlak, faksel dawl lo bikah an cang aww.
Candidate-pawl anmah le mah an rinsan-aw lo tuk maw, mipakhat uar luan tuknak (heroism) ruangah saw Suh Kyi zuk hi constituancy tinkim ah an tar? T-shirt ah a zuk an hmangih candidate-pawl cu Suh Kyi zuk phenah an relh. Political Game an lek cu si ko.

Jesse Klirlungz Kipling

Kawlram sungih hmun tin (constituancy tinkim) ah Suh Kyi a zuam ding vekih mipi thu thei lem lo pawl bumnak hrangah Dirty Game an play rero a si bik.
Hlanlai RFA Chin Program ih ka rak ttuan lai ihsin Aung San tei’ pafa hi tlangparmi pakhat dinhmun ihsi cun ka uar lo ti men si loin, a fihin ka fih thu cahram ka rak ngan (than) dah. A pa in Tlangparmipawl Kawlram ih kop dingin in rak bum dah. A fanu in Kawl phunpi lungput policy hnuaiah an rawl ttilfuan le ngol dawn lemsiahnak thawn in mol rero lai.

Tlangparmi ka si vekin kei cun Hero vekin ka zoh lo men si loin, a dirty game hi ka ttih tuk. Leiram thu, ramhrin ttong ih tlawng cazir bu tawlrelnak tipawl ah States le Regions 14 ih CSOs le hrinhnam palai workshop voi tampi kan neiih ka rak tel ve ttheu. USDP san le NLD san an danglam lo. Tlangparmi in nekrawk tumnak ahcun A KI BANG an si. Tluktlanawk ngaingai ding cu an hrap a hria duahdo a si ko.

Cuvek policy kengkawhtu cu zovek an si khalah ka Hero an si dah lo ding. Hmaikawr ah hmangin Hrilawknak Campaign ah mipi bum tum nawn hlah uh si. Candidate pakhat cio khan nanmai’ fitness kha aupi ngam hnik uh.

#Himi thu hi Jesse in amai’ Facebook Cahmai ih a tarmi kan post sawngmi a si.