The Chin Times hi na duhzawng a sile, in rak share sak vivo aw.

Thaizing (September 28) Ihsin Thawk A Leng Suakvak Pawl Cawh Ding

Myanmar ramsung ah COVID-19 nat-hri nitin a karh sinsin ih mina an tam sinsin ruangah October 7 tiang kilvengtu pawl cun felfaiten an kil thlang dingih ṭul lo tukih a lengsuak vak pawl cu

Tufang kan leitlunpi ih nat-hri ṭihnung a leng reromi COVID-19 ruangih Stay At Home caan kulh sung September 24 ihsin October 7 tiang ah thupawimawh ruangah silo ih a leng duhduh ih suaktu pawl cu thaizing, September 28, ihsi thawk cun COVID-19 karhzai lo dingih ṭuanvo neitu pawlkawm ih thutluknak ah ṭhumaw in cawhkuannak pawl tuah thawk a si thlang ding tiah theih a si.

Tuisun ah leng suakvaktu mipi pawl cu Riil thei ṭuanvo neitu, Palik, Meithat, Zaanghleicawi pawl le vengṭhen upa pawl cun cekfel in COVID-19 thuhla simfiangnak an nei ih, ei-in ding lei ih lengsuak, harhdamnak ruangih a lengsuak tipawl hrangah daan an tuahmi pawl felfaite ih thlun thei dingin an sim.

Myanmar ramsung ah COVID-19 nat-hri nitin a karh sinsin ih mina an tam sinsin ruangah October 7 tiang kilvengtu pawl cun felfaiten an kil thlang dingih ṭul lo tukih a lengsuak vak pawl cu kawhkuan pek theih a nsi ding.

Myanmar ramsung ah September 26 tiangah COVID-19 nat-hrik kaitu mina 9,991 (thawngkua zakua le pakhat) an si ih COVID-19 ruangih mithi mipum 198 an kim a si.