The Chin Times hi na duhzawng a sile, in rak share sak vivo aw.

Thudik Ngan Ve Lawlaw A Tul A Si Hi – by Salai Nite

Tuih kan neihtharmi Party in , mee hawlih an vahnak kipah le online sungih an mah tantupawlin , an Party ih Policy le MPs le SCAM cuhtu pawlih

Tuih kan neihtharmi Party in , mee hawlih an vahnak kipah le online sungih an mah tantupawlin , an Party ih Policy le MPs le SCAM cuhtu pawlih , an tumtahmi tlangaupi vivo men loin, “Independent ih cuhtu pawl cu an tlin khal le zianghman tuantheimi le titheimi an nei cuang lo ding ” tin an ti ringring thu , hmuh le theihfel a si.

Ziangruangah hitin an sim? An simnak sanbik ih lang cu , a mahlawng cun zianghman a tuah thei cuang lo ding tin an timi a si hmang. Cuti a sile , an nih Party in teh Sagaing Division Hluatdaw ah , an zatei an tlinthluh hmanah , pahnih thum bak an kim thei cuang lo si khawh , majority vote neih ding cu van ih rah vek a si.

Cutin asile , ziangtin hna an tuan thei cuang ve ding ??? Ruat tha hnik uhsih. Cuti a si ngaingai ahcun an nih tla zianghman an duhmi a hlawhtling thei cuang lo ding ti a fiang verver a si.
Asinan , cuti mai cu a si thluh lo , Hluatdaw ahcun , Ziang Party a dinpi ti a si nawn loih , a Mee-san-dah-ne pawl hrang le rampi hrangah , ziangthu a bur timi zoh sawn a si.

Curuangah , zovek khalin , Party le Party lo tizawng cun tiaw nawn lo sehla a tha ding. Independent khalin , a minung a fit le a that ahcun , a hriltlingtu mipi hrangah , nasa ten hna a tuan thei sawn ve , ti hi kan theihtlang cio kha.

Hi thu hi Salai Nite in a facebook cahmai ih a post mi kan thlahsawngmi a si.