The Chin Times hi na duhzawng a sile, in rak share sak vivo aw.

Tlangpar /Hmunrawn Chin/Lai pawl in NLD kan vote hrimhrim a tul

Rampi a that le ram sungih a um mi miphun hmuah2 pawl khal a tha ding Curuangah kan Rampi tha dingih in hruai theitu umsun cu NLD lawng an si.

Daw Aungsan Suh Kyi hi Nunau a si nan ,,A Pa Bo Chuk Aungsan ihsin Kawlram mipi zalen nak dingih thih khal rak ngam ih nunnak ra pe ngamtu kan neih mi umsun a si. (1988 A-Zi-Khiin) Buai lai ihsin ramsung Zalennak rak au pi tu cu Daw Aungsan Suh Syi pakhat lawng a si.

Ralkap hmaiah dung sip loih Mipi hrangah kan nunnak ka thap ngam a si ti langnak ah (Flat) Sen kai in Ralkap hmai a feh ,,Ram hrang zalennak a duhtu cun ka dung i thlun uh a ti tikah Tlawngta mi ziang maw ti zat in a dung an rak thlun ,,cutin Kawlral kap hmaiah ,an rak feh a dungih feh tu Tlawngta pawl cu Kawlralkap in an kap that puppo ,,Ralkap Bupi hmai Daw Aungsan Su Kyi le a tang sun a dungthluntu Tlawngta hrekkhat an va thlen tikah ,,Ralkap mi pahnih in Daw Aungsan Suh Kyi cu meithal thawn a hmai rori ah an rak tin nan an kap ngam lo ,,An Kut a khur thlaohthlo,, Ralkap an hotu pa in cu te pahnih cu Kap aw henuh tiah a fial nan an kap ngam lo.

JH San Uk

Cuvek tluk ih Nunnak Thisen thawn Kawlram zalen nak (Dar )rak tum Tu kan neih mi cu (NLD) Party Daw Aungsan Suh Kyi lawng a si . Kan Chinmi ralkap pawl ih an duhduh ih in ti ngam lo nak khal (NLD) Party pawl ruangah timi hi Mipi kan theih a tul .

Khua hlan pi ihsin Ralkap Uknak sal kan rak tuar rei tuk ruangah (NLD)Ram duhdawttu pawl ih kum (4) sungte an tuan mi hi a Lang cut thei hrih lo tiih Mipi tampi ih an ngai nak a si.

Mipi ih theih sawn ding mi cu Kawlram ralkap ih Uk betnak ih Zalennak (DAR KHING ) in tum sak tu (NLD) hi tha pe lo in na um ding maw ????

Ziangruangah kan vote a tulnak san

1.NLD cun ramsung mipi zawi miphun hman thleidannak a nei lo, Lungrual tei hnatuan thei khawm theinak a thupit ter.

2.NLD cun Kawlram hi a kil kip ih thangso ter le mawi ter ding a thupit ter.

3.NLD cun Chin/Lairam le Chin miphun lungkhat thinkhat pu ih thangsoter ding a tumtah ruangah Chin/Lai Ram cu Kawl in an tuahthatsak lo ding ti a hmuh ruangah . Chin/Lai mi diktak a si mi Pu. Henry Van Tho cu (Vice President )tiangih a hril, retnak a si.

Cun Chin/Lai ram le Chin miphun tungding tu ding le thangharh tertu dingin ,,Chinram Uktu dingah Chin/Fa diktak asi mi CM Pu Lian Luai a ret nak a si.

NLD cun Kawlram hrang lawng a tumtah loih Ralkap kut hnuai ih Chinram/Lairam , Chinrawn,Lairawn ih Chin miphun kan zalen sinsin theinak le kan ram kan miphun kan thangso sinsin theinak ding khal ,,Hmai in hruaisak in , in kan dung khalin in sawmso vivo zel hi a si. Curuangah ramsung ramleng Chin miphun kan zaten NLD hi vote kan pek hrimhrim an tul.

NLD Hotu Daw Aungsan Suh Gyi in ziangruangah Tlangpar mi Chin miphun hi in duhdawt ti nan thei maw ?

Mirang Uk kan si lai ah Tlangpar mi Chin/Laimi , KaChin ,Shan le Kaya cu Mirang ralkap in (Frontier Are ) tiah an rak ti ih ,, Ram 4 kawm mi kha Kawlram zate ih 47% a si .

Curuangah Bo -Chuk Aungsan cu Mirang in (Frontier Area ) na kawm theilo dingah cun (Independence) kan lo pe lo ding tiah an ti tikah , (Aungsan )cun Tlangpar mi Chin/KaChin /Shan le Kaya kawm dingin lungkimnak a rak tuah. Aungsan ih a hnatuan tumbik cu Tlangpar mi thawn rualrem te’i hnatuan tlang hi a si .

Cumi cu NLD hotu Daw -Aungsan -Suh-Gyi hin a Pai thu kamnak ciing ringring in Tlangpar mi parah Duhdawtnak a nei ti langter tu ah Vice President le Chin ram Uktu dingah Kawl mi hmang loin Chin mi a run hman veve sawn nak a si . Hihi Mipi in kan theih a tul .. Culawngah NLD ih thatnak kan hmu fiang ding. – JH San Uk ih nganmi a si.