The Chin Times hi na duhzawng a sile, in rak share sak vivo aw.

U.S Election Update: Trump Dinhmun a Danglam Hrih Lo

√US President ah Joe Biden in a neh ding tiin kan ṭuat(projected) tiin Media tumpipi pawlih an phuan ruangah dan vekih hriltlin taktak ah mi tampi in an ruat. Asinan Conservative media-pawl: Brebart News, Newsmax, Daily Wire, etc..pawl cun an pawmpi hrih lo. Ramhruaitu lakah Israel PM Natanyahu le Singapore PM Lee, French President Canada PM pawl lawng deuhthaw an si lai. US innhnen Mexico President Andres Obrador cun, “A tuan tuk lai, dan vekih phuan a si tikah ka lawmpi leh ding” a ti ve.

√Radio talk show lar tak Mark Levin khalin, “Media in president an hril lo. Buainak khal an cingfel lo. Danhrampi vekin kan feh sawn. Buainak khal Danhranpi vekin court ah kan cingfel sawn” a ti ve.

√2000 ih Bush le Al Gore zuamawk ṭumah Al Gore 271, Bush 242 an ngah tiin Media-pawlin ,”Al Gore is projected to win”, Al Gore in neh dingin kan ṭuat an ti ruangah Al Gore in a neh tiin thuthang tinkim in an ngan nan Court an thlen taktak cun Bush in a neh a si kha. Tu khal President hlun Bush cun, “Trump cun dan vekih beih theinak govo a nei( right to have legal fight) a si” a ti.

√Trump Campaign in Court ih zual a kawh mi hrekkhat cu Arizona ah Vote ra pe hrekkhat ngansual mi remṭhat siang loih an hlawnsak, Nevada ah cabawm vote retṭhat hna ṭuan in, ‘Vote siartupawl diklonak ka hmu rori’ a ti mi, Pennsylvenia ih tlai khawhnu ih vote lut, Mithi zo vote pek, vote sal leuhleuh..tivek tampi a si. Court in ziangtin a rel ding ti theih ban a si lo.
√Liberal media-pawl cun, ‘Thu tling an si lo, result a danglam cuang lo ding” an ti. Asinan Conservative lam danthiampawl cun Court cohlan tlak an si, court rorel ihsin ziangkim a danglam thluh thei an ti ve.

√Trump cu a duai pawm men awm tak, anih ṭheu khal hi a pawlhraw deuh aw na ti men thei. Senator danthiam le hminthang, an ṭawngkam khalih mi sawisel hlawh dah lo Lindsay Graham( NC) le Ted Cruz (Texas) pawl cun a tawp tiang bei dingin an dinpi. Lindsey Graham lephei cun court cemliam ding hrang Dollar 500000 a hlu. Ted Cruz khal hi Sihni, Senator a ṭuan hlanah Sihni hminthang a si ih kum 27 mi te a si laiah 2000 kumah Bush legal team ah a rak tel ban zo.

√ Miissipi Sen. Hawley khalin thudik a langsuah hlan cu um men lo dingin a ti ve. S. Dakota Governor Kristi Noem khalin, “Al Gore khal ni 37 can kan pek kha…Trump hrang khalah kan ruahsak a ṭul” a ti. Arizona Congressman Andy Biggs khalin, “Mr. President, duai hrimhirm hlah, a tawp tiang zuam aw” a ti ve. Trump khalin, “Duai san ding ka ruat hrih lo” a ti.

√Trump nupi Melenia khalin, “America mipi in a dik le fel mi hrilawknak an phu a si” tiin a pasal a dinpi thu a rel. A fanu Ivanka khalin, “Hrilawknak thianghlimnak hi kilhim rori a ṭul” a ti. Tu hi “Save Election Integrity” timi hrilawknak dingfelnak kilhim aw timi cangvaihnak an nei ih million tampi an tel zo.

√Tu hi Michigan ah cun State Hluttaw in vote diklonak an zingzawi ding. Cun FBI khalin dan vekin an zingzawi thawk zo. NRCC timi National Republican Congresional Committee in memo an suah mi ah thupi 5 an ngan. A tlangpi cu Pensylvenia State Supreme Court in Democrats duhdan thlunin hminsin um lo Cabawm cu a tikgun ih thlengah an pawm mi, Pennsylvenia Secretary of State Kathy(D) in hmin kaihaw lo khal pawm dingih thupek a suah, Dem uknak peng hrekkhat ah an tisual le a siat mi an remsal ter, Vote siar zoh( obsever) an kham, a dik lo mi vote 100500 cabawm vote an kuatsuak tipawl a si. Corey Lewandoski cun, ‘Penssylvenia ah nu pakhat ni 9 sung rori nitin vote a thlak” tiih Press Conference ah a rel.

√Georgia khalah Vote siarsal cu Rep. Doug Collin in a ho ding. Anih hi pastor hlun a si ih House midik le milar a si.

√Conservative lam mi langsar tampi khalin amah vote petu mipi million 70.6 mithmai zoh talin duai mai lo dingin an ngen. Court senso ding USD Million 60 khal reilote ah an thawhkhawm zo.
•• Trump in a neh ding kan ti lo, Biden in a neh khal kan ti lo. Nehtu ding kan rel thei lo nan kan theih sun cu, “The fight is on” (zuamawknak a feh rero lai) ti a si ko.

Source: Daily Wire, Breibart News, Newsmax, Mark Levin Show

Video in zoh duhtu hrang;

Lal Lian Zual, Naypyitaw