The Chin Times hi na duhzawng a sile, in rak share sak vivo aw.

Union Betterment Party (UBP) ih Politics Policy

Union Betterment Party (UBP) – Hotu; Turah U Shwe Man

Party ih Politics Policy

  1. Myanmar ram thawn a milaw mi Federal Democracy System cangsuak ding le mipi kan zaten kan co dingmi kan ngah theinak ding.
  2. A zalenmi le diknak thawn Economic Market System cang thei nak ding.
  3. Ramhrin miphun (Tlangpar mi) kan zaten lungrualnak cangsuak tertu diknak, zalennak, a rualranmi ngah theinak ding.
  4. Ram pumhuap politics, Economic, Social Welfare tinah ṭhangso in ram le mipi ih zahumnak ṭhangso ter ding.
  5. UNO (United Nations Organization) daan thawn mil in minung, kan diknak kan covo thu suahmi pawl upat ih thlunin leitlun ramtin thawn duhdawt aw zetih kutkai aw in ṭuantlang, tuahtlang ding.
  6. Party ih tumtahmi

Kan rampi hi a canthawn milaw mi a ṭhangsomi Federal Union Democracy rampi din suak dingin mipi ih zalennak le nuntu khawsak dan himnak ding, mipi Economic le nuntu khawsak daan thiam in himzet ih kan congah theinak ding, leitlun daihnak le humhimnak pawl thape ih bawm in ṭhansoh ter ding.

  1. Union Betterment Party cu
  2. Kan rampi le mipi zate hrang hlawknak Economic a si ahcun ziang party, mi zovek, ziang pawlkawm ti um loin kawmaw in kan ṭuan tlang ding.
  3. Party hlawknak, mipi hlawknak, thawn tahṭhim a si tikah mipi hlawknak kha hawlsak ih duhsak hmaisat ding.

III. Party tumtah mi

A). Rampi hrang tumtah mi

  1. Federal Union System dinsuak ding
  2. Democracy System dinsuak ding
  3. Ram mipi zaten hmunkhat ten rualremnak a um ding.
  4. A cakzetmi Ecomonic system hnget zet in a cang suak ding.
  5. A can thawn milaw mi a ṭhangso mi rampi kan din ding.

B). Mipi hrangih tumtah mi

  1. Daan vekih uk le mipi nunnak hnangamnak co thei ding in tuahsak ding.
  2. Mipi ih pursum ṭha dingmi rampi pursum cansuak ternak thawn milaw tawnten tuahsuak ding.
  3. Mipi ih ei-in, umtlan theinak thupi ih ret in social Ecomonic, nun himdamnak co ding.
  4. Diknak, zalennak, rualrannak, lungrualnak pawl cu congah tengteng ding.
  5. Party ih zumnak

Kan nih cu ruahsannak le tumtahnak thawn ram le mipi hrangah a ṭulmi pawl thinthiang le dikten cakzet in zuam le phurnak thawn feh in kan neh ding tiah kan zum.

  1. Party pawmmi (Tiamawknak)

Kan nih cu ram le mipi ih ṭhatnak tuah in cangsuak ter tumtu party le party member kan si ruangah ruahsannak le tumtahnak hlawhtling dingin thinlung, taksa le cahnak, theihnak zate ih sawrkhawm in kan tuahsuak ding tin kan tiam aw a si.

Party Policy Vekin A thupi Deuh Mipawl

  1. Politics – Union Of Myanmar thawn a milawmi Federal Democracy tuah suak ding.
  2. Foreign Affair (Ramdang thawn pehpar awknak) – Hnangam zetin umkhawmnak daan (5) thawn milin zalen le phur zet ten ram dang (Ram tin) pawlkawmnak tuah ding.
  3. Defense le Security – Rampi cozah thuneihnak le rampi leilung hngetkhoh ih umter in mipi hamṭhatnak hrang ram mipi thupi bikah ret ding.
  4. Economic – Zalennak dik market economic system hman ding.
  • Ram mipi zaten ei le in nuntu khawsak daan remcang tertu hnaṭuannak, lamzin ngah le a milawmi hlawh man ngah theinak hrang tuah suak ding.
  • Agriculture (Thlaicin) ran vulh daan le tidai lam, cet le kut hnaṭuan sum ngah dan pawl cu milaw rualran ih ṭhangso ter dingah zuam ding.
  • Loram suak pawl le ramsung suak pawl man ṭha ngah dingin market ṭha ten tuah suak ding.
  • Ramsung ramleng sumpai phumtu pawl Tamsin ngah ding, sumpai phumtu pawl tamter sin ding, a ṭha le dikmi sumpai system pawl hngetkhoh ter ding.
  1. Fimthiam zirnak (Education) – Mithiam le thuruat thiam ih a thartuah thei minung pawl an ṭhansoh sinnak hrang tuah sak ding.
  2. Harhdamnak – Ram mipi zate hrang harhdam kilhimnak punter ding.
  3. Hnam thu (Cultural) – National cultural (Hnam tin daan) nunphung pawl le hnam tin ih pipu dan (nunphung) humhalh ding.
  4. Diknak Daan thlun le Uknak thu – Diknak thlun le mipi ih nun hnangam daihnak hrang daan hnget zet le thurual ten fehter in mipi thlun thei dingmi rampi le mipi hamṭhatnak cangsuak tertu daan tuahsuak, uknak lam ah mipi thupi ret in, daan thawn mil in thlun le tuahsuak, court thu ah daan thawn mil in a dik a hman rualran in ṭhensak le mipi pawl thawn kawmaw tawn in ram hrangih hrampi dinmi (diknak tuahtu pawl kawmpi) Managing pawlkawm ih fehpi daan vekten kawmaw in cangsuak ter dingah zuam in tuahsuak ding.
  5. Hnamtin hrang (Native Affairs) – Native Affairs (Hnamtin) hnen ah kilhim awknak le sumdawnnak ṭhansoter, hnamtin rualrem aw zet le upat aw ton in unau suahpi vekih um khat theinak pawl ṭhanso sin ih hnget sin dingin tuahsuak ding.
  6. Lo hnaṭuan pawl (Thlaicin, ran vulh) Hrang
  • Lo hnaṭuan pawl in tesin fa san tiang an ṭuan theinak ding Lo an nuntu khawsak nawm theinak dingih ṭhansoh sinsin nak hrang tuah ding.
  • Ram laksak awk (neh lon) tawngtu thawn pehpar aw in dan thawn milaw in kilhim ding.
  • Leiram thupi dan pawl daan thawn mil in mipi hrang awlsamten thlaicin, ran vulh thei dan ṭha pe in bawm ding.
  • Lo hnaṭuan pawl in covo kilhim in pursum ṭhansoh ter dan cu daan ih tumtah vek rori in tuahsuak ding.

  1. Hnaṭuantu hrang
  • Rampi ih hna nei lo malter ding tumtah ih tuahsuak ding.
  • Thlaicin, ran vulh le cet thilri le kut thiam thil tuah pawl karhter in hnaṭuan sunzawm dan lamzin thar hawlsuah vivo ding.
  • Ramdang um hnaṭuantu pawl le hnaṭuan um hmun ṭhinṭul pawl him le ṭha ih um thei ding le thiamsin tuah sin, ṭhanso sin ding, mipi pursum ṭhangso sin sin ding thupi ah ret ih tuah ding.
  • Hnaṭuantu zaten kan ṭuan milin thlahlawh ngah, din hmunṭha coter harhdamnak khal a ṭul dan zirin ngah dingmi ngah rori thei daan tuahsuak ding.
  1. Mino Hrang – Minung kan theihnak fimnak hrampi ṭhansoternak hrang tlawngkai thei ding cin mino kilkhawi, mino kan hmailam can ah rampi hi liang parah pu thei dingin fim zir theinak pawl ṭhansoter, hmuhtawn tam sin nei dingah hna pe in tuahter in covo sang ngah ding tumtah.
  2. Minung kan covo – Ramsung mipi ih suahpi kan covo minung le pumpak zalennak le humhimnak pawl ngah thei ding zuam ding.
  3. Biaknak (Sakhua) – Zalen zetin biaknak dan cu daan vek rori in ngah thei ding. Buddist biaknak hi Myanmar ram mipi tamsawn ih biakmi a si tikah a si dan vek in degree pawl kimcangter ding. Ziang biaknak sakhua a si khal le zalen zetin ram mipi ṭhanso ter ṭhatertu, rampi hrang rinum zetin ṭuansoternak ṭuanvo a nei tiin tumtah in biak ding.
  4. Numi Hrang – Numi pawl ih covo, humhimnak le ṭhansonak pawl tuah suak ding.
  5. Mipi Nuntu Khawsaknak – Mipi ih nuntu khawsak (ei-in, sinfen) zia um ter, nuntu khawsak himnak, nutu khawsak ṭhangso ih mipi harsatnak pawl hlawnhlo ih lungawiten umtheidan kilkip in zuamsuak ding.
  6. Khawte Hmunpawl Ṭhansoter
  • Khawte hmun pawl ṭhansoter hi dan vekin mil in kan ram pumpi ah harsat malte vivo dingin kan zaten telpi in ṭhanso ter ding le khawte um mipawl ih sumdawn leilawnnak ṭhangso vivo ter le khawte le khawpi thlauawknak pawl hlo vivo dingin nasa zetin zuam suak ding.
  • Khawte harsatnak hmuntin ah ti thiang ngahter, harhdamnak, fimthiam zirnak, pehtlaihawknak, lamzin le meisa (Electric) ngah ter ding telin mipi umnak inn pawl ṭhangso dingin nasa zetin zuam in tuahsuak ding.
  • Khawte um mipi pawl ih harsat retheihnak hloter vivo dingin sum hramphumtu pawl ngah thei, thlaicin, ranvulh pawl le a te bik ihsin a tumbik kut hnaṭuan (cethna) telin tuah thei dan pawl cangsuakter dan zuamin karhter ding.
  • Khawte hmun pawl ṭhansoter dan pawl cu leitlun ramtin le ramsung ramleng pawl kawm pawl ih sawmsohnak pawl thawn ṭhangso sin ter ding.
  1. Cozah hnaṭuan pawl
  • Cozah hnaṭuan pawl in an mah le hna milin zahum zet ten khawsa thei dingin tuah ding.
  • Cozah hnaṭuan awp an hlawhten innsang cawm thei dingin tuahsuak ding.
  • Cozah hnaṭuan pawl mai hna huphurh loten ṭuan suakih upat coter ding, tha pe in zuampi ding.
  • Cozah hnaṭuan pawl pension hlawhlak canah midang bangin nung thei dingah ruahsak ding.
  • Cozah hnaṭuan ih pension zo pawl cu a lakih kilkhawi (Harhdamnak) daan ruat sak in tuah ding.
  1. Media (Thuthang)
  • Mipi tamsawn hamṭhatnak ngah dingin thuthang pawl cu mipi hnenah dikzet ih than dingin daan thawn milin zalen zetih thulak suah, than thei dingah an zummi, ruahnak pawl zalen zetin phuangsuak thehdarh theidan tuahsak ding.
  • Rampi le mipi hrangah thilṭha suakter tu thuthang kimcang pawl lakih thansuak theinak ding a ṭulmi daan pawl simzirh cangsuak dingin tha pe in bawm ding.
  • Media (journalist) hna pawl ṭhangso cak sin dingin a pehpar mi pakhat le khat kilhim thei dan pawl tuahsuak ding.
  1. Meisa Tha le Ram Humhalh (Environment) – Rampi ṭhangso dingah thupi zet meisa le meisa tha duhdaan in ngah thei dan le ram kiangkap humhalh kilhim dan cu ṭhasin dingah tuahsuak ding.

Union Betterment Party cu mah le mipi, kiangkap ṭhatnak tuahsuak duhtu kha hmuitin ih dinsuah mi a si. Hi Party cu Union Federal hrang dinmi a si ih mipi ate ih ta a si.

Rampi le Mipi ih politics, Economics, Counseling cikim ih ṭhanso ding, ram le kiangkap ṭhatnak tuah duhtu kan zaten hmunkhat ah lungrual zetin ṭuantlang dingin kan lo sawm.

The Chin Times