The Chin Times hi na duhzawng a sile, in rak share sak vivo aw.

Wave Money ihsin Paisa Ting 20 Kuat Dingih Mi Bumtu Hremnak Pek

U Ye Aung in a transfer zo mi ting 20 cu suahsal dingin a tiih cui’ paisa pawl cu a suah cih ih a tlanpi, cui’ thupawl cu Message ihsin an theihsal thu Police cun an sim.

Phyu peng (ဖြူးမြို့နယ်) ah Wave Money ihsin paisa a kuat ter ih paisa pe si loin a bum ih ting 20 rori a suah ruangah thubuai tuahsak in tufang ah Police pawlin an zingzawi rero lai thu theih a si.

September 19 ni ah Paku ramṭhen Phyu peng, dawr pakhat ih um kum 40 ih upa U Ye Aung cu amai’ phone dawr ih a um lai ah Htan Let Kone khawmi kum 30 hrawng ih upa Mah Khin Moe Wei cu a va ih Wave Money in paisa ting 30 a kuat duh thu a sim.

Mah Khin Moe Wei ih hmanmi Phone 0977…. In 0966….phone number ah Paisa kuat dingin a sim ruangah U Ye Aung cun ting 10 veihnih, azaten ting 20, cu a transfer lai ah a transfer termi ting 30 cu a dilsal ih cu nu cun a kutsung ah paisa 6,000 lawng a neih thu a sim tiah Police record ah a um.

Cutikah U Ye Aung in a transfer zo mi ting 20 cu suahsal dingin a tiih cui’ paisa pawl cu a suah cih ih a tlanpi, cui’ thupawl cu Message ihsin an theihsal thu Police cun an sim. Hivek ih suahsualnak tuahtu Mah Khine Moe Wei cu Phyu peng palik zung cun pehtlaihnak thawn pehparmi hremnak Section 66 (C) thawn thubuai tuahsak a si. – 7Day News