The Chin Times hi na duhzawng a sile, in rak share sak vivo aw.

WHO ih Staff minung 2 Coronavirus an kai ve

Leitlun Harhdamnak Pawlkawm tumbik, World Health Organization (WHO) cun an Staff lak ihsin minung 2 cun Coronavirus nat an kai ve thu, mizansun ah khan official in tlangthannak a nei. An hnaṭuannak ihsin inn an tlungih an inn ah Coronavirus natnak symptom a langih cutin an check tikah tuvekin natnak an nei tiah hmuh a si.

COVID-19 natnak kai ngahtu WHO Staff minung 2 hi European mi an si ih, European Centre for Disease Prevention and Control cun mizansun (March 18) tiangah khan leitlun huap ah himi natkaitu mipum 180,000 hnakih tam an um a si tiah an sim.

Tufang cu leitlun ih buaipi bikmi a si ih hmun kip ah harsat tawngtu an tam zet. Ahleice in hnaṭuannak ram ih umpawl tla cu an hnaṭuannak cawl ṭheh a si tlun ah dawr thilri pawl tla a cem thluh ih mi tampi harsa zetin an um. Leitlun ih Harhdamnak Pawlkawm tumbik (WHO) ih staff rori hman himi nat an ngah ti thu theih tikah ralrin a ṭul natsat zia a lang sinsin.