The Chin Times hi na duhzawng a sile, in rak share sak vivo aw.

Ziangah Mi Tampi In Donald Trump An Hua?

Breaking news: AG Barr cun Voter Fraud zingzawi dingin tu ciah kha thu a pe!
√Trump hrang thlacamsaktupawlin US Election le President Trump thuhla, a thlen cin theih an duh ruangah ka hun ngan ṭheunak a si. Chinmi zumtupawl lawng si loin leiltun zumtu tamsawnin thla kan camsak. A san cu Khristian humhim duhtu a si ruangah le khatlampawl cu Khristian nekcep duhtu an si ruangah a si. America hi a thupi zet, Trump sanah hin zumtupawl an tha a thosal emem hi a lungawi-um zet.

√Cutisi loin Europe vekin America hi tluse ta sehla leitlun Christian Mission cun rel ban loin a tuar ding a si.

√Trump hi Media darling an ti mai, media-pawlih duh le upat zet mi a rak si dah. A lian si, Miss Universe a rak nei, Reality Show a rak nei fawn tikah milar le Celeberties-pawl cu a mi le sa an si thluh deuhthaw a si. Culaiah cun CNN tawnsuhnak pakhat khal, ‘kan hlawktlang lo em mai’ tiin laklawh takah a rak tlansan dah. Asinan an ti ngam lo. Hollywood khalah Trump sunlawihnak Arsi an rak ret sak.

√Asinan 2015 Rebublican party ihsin President a zuam ding ciah in an dodal thawk. An relse thawk. Hitler vek, Ben Ladin vekah an suah. Thinlung kim lo, mi-aa vekah tla an suah. ( A canah cun a ṭawng a pin thei ve fawn thawn) A san cu nauthlak, neih bangaw, LGBT, Socialism, Kiangkap kilkhawi, Globalism(leiltun acozah khat, biaknak pakhat), dan loih ra lut..tvk a pawm lo ruangah a si. •Zumtu cun hinah pawm ding pakhat hman kan nei lo tho. Cun America fimzirnak-pi khin khivek khi tlawngih an zirhawk ruangah acozah hnaṭuan leacozah tlawngta-pawl cu Trump dodaltu ah an cang.

√Tu cu Trump in School Choice timi tlawng hril theinak a tuah ruangah Private Khristian tlawngah zumtupawl fale cu tlawng an kai cece thlang ih an senso cu acozah tlawngkai vekin agozahin a peksak.

 

√Media le Twitter, Facebook, Google pawl khal Trump dodaltu ah an cang. 2017 kum ah lephei cun, “Mi hmukhmak”(Bigotry) tiih hawl cun Trump zuk a ra suak! Senate in Google an kawh phah a si. A luarbik cu Twitter a si. Nauthlak an dinpi tuk lamah Mother Teresa ih naute pawm lai zuk hman, “Kan standard thawn a milaw lo” tiin Twitter ihsin an hlawn. Trump tweets mi hi 100 leng lo an hlawnsak zo. Dan Section 230 ih kilhim an si ruangah thubuai tuahsak le a ngah lo.

√Asinan Trump cu Khristianpawl, Ralkap le palik pawl le upa lungfim cinin an ṭan ve thung a si. BBC, CNN, SkyNews, The Telegraph, The Independent, Jerusalem Post, New York Times, Washington Post, etc..pawl khal sumtuahnak an si tikah America zatlang nun le politics ah cun rin an tlak lo. Tu cu Fox News khal a tluse thawk zo. Thuthang dik theih na duh le Newsmax, Daily Wire, Media Right, JP Media, RedState, Breibart, RSB, OAN le Conservative bulpak page pawl siar tel aw. News tum lakah ABC in Biden neh ti hi a pawm duh lo ruangah an sawisel bet lai. CBS le The Christian Post pawl khalin an pawm hrih lo.

√Trump cun Georgia ah kan boruak a ṭha, Wisconsin ah kan neh ding a ti. Arizona khalah Trump boruak a ṭha tuk zo. vote 77000 siar ding a tang laiih Biden in vote 17000 hrawng lawngin a tan thlang. Michigan khalah boruak a ṭha.

√America ah hivek vote ruk a um thei ding maw na ti men thei. 2000 hrilawk khalah a rak um kha. 2018 Florida Governor hrilnak khalah Demo lam thotho in an ti cingpen nasa taum nan Govenor ṭuanlai kha Republican a si ruangah a hlawn a si kha. Anmah Democratic Primary an neih khalah Vote rukawknak a um thotho. Iawo Caucus an ti ih Candidate ding an vote hmaisabik ṭumah Biden tlintir an tum laiah Pete Buttigieg in hmai a hruai ruangah ni 7 sung lai result an suah thei lo a si kha. Poll ah cun Biden 42%, Sander 19%, Wareen 11, Buttigieg 5% lawng a si nan Biden cu a 4 nak lamah a tla ih Buttigieg in a neh a si kha. Anmai party sung hmanah corruption a nasa tuk.

√November 9, 2020 ni ihsin Court ah an beiaw thawk zo. Thusuhnak um cu Main Stream Media pawlih dungthlunin Court in Biden tlin a pawm ding ha diknak in ro a rel ding? Diknak a fehpi ding cun Democrat-pawlin lamzin zarih buainak tuah ding mi ting tampi an vulh cia. Hrilawk zan khal kha Trump a tling dingih a lan ruangah Seatle le Washington DC ah mipi tampi lamzin an zawh zo kha. Media ṭihin kum 4 cu a liam ve mai ding, buai hnak cun an ti ding maw theih ban a si lo.

¶Media-pawlih bum theih loih um a thupi tuk. Curuangah thudik kan theih theinak dingah hi thu ka ngan a si. Zumtupawl thlacam peh a ṭul.

Video ih zoh duhtu hrang;

Lal Lian Zual, Naypyitaw